القصة المأساوية

في يوم من الايام..
كانت تعيش اسرة مكونه من اب وام وابنهم والجد..
وكان الجد كل ما تعدي السنين يحتاج لرعايه اكثر..وطبعا الام ما تقدر او مي فاضيه..
ففكر الاب يودي ابوه لدار العجزه..
بس ما يعرف وشلون بيفتح معه الموضوع..
قاله..بكل((صدق)) راح تلاقي هناك من يهتم فيك ويخدمك..
وطبعا الاب نسي ان ابنه يسمعه والولد نبيه فهم الموضوع..لا ويدري وش هي دار العجزه..
وجا اليوم اللي الاب بيودي فيه الجد على الدار..
هنا ابنه الصغير اصر انه يروح مع ابوه..
ويوم وصلو وحط الاب الجد (طبعا كان معطي الدار خبر)وشافه ملتهي مع اللي في المكان..اخذ ولده وطلع..
وفي الطريق كان الولد بيتامل الشارع..
وصار يسال ابوه..يبه وش اسم هذا المكان.. والاب يجاوب..
يبه وش اسم هالشارع..والاب يجاوب ..
يبه وش اسم هالمبنى ..والاب يجاوب ...
يبه..وش اســـ..... ييييييييييييييييييييييييوه انت ما تخلص من اول الطريق وانت تسال....
هنا جاوب الولد..الجواب اللي يصعق....
(يبه..عشان اوديك فيه يوم تكبر...)...!!!!
كان جواب ابنه مثل الصاعقه عليه...وقف السياره وصار يبكي..ايه..يبكي مثل الاطفال..
كان كلام ابنه مثل صفعه صحته من نومه...
هنا رجع الاب لدار العجزه ورجع الجد للبيت حتى يعيش مع ابنه وحفيده وحب الاسره اللي ما تعوضه دور العجزه ولا كنوز الدنيا....



فسبحان الله...
واتمنى ان القصه عجبتكم واتمنى كمان انه ينتفع بها الجميع...