اهو ضل راجل ولا ضل حيطه

بصوا بقى بناء على طلب الجماهير العريضة


والطويلة والقصيرة والرفيعة
طبعا بما اننا كلنا ف سن الخطف
سواء كنا بنات والا ولاد
ف السن ده بتاع الحب والسهوكه اللى بيجو بعد الخطوبه هاااااااا( بعد الخطوبه )


النهاردة هقولكم على الخطوات اللى لازم العريس

يتبعها وهو رايح يخطب بعد الشر عنكم يعنى

طبعا زى ما كلنا عارفين الشاب منكم اد ايه ما بيحبش يقدم على الخطوة دى
اللى بتجيبله قشعريرة فى جسمه

وسكر وضغط وفقر دم وفقر جيوب
لكن فى ناس بتبقى مضطرة تعمل الخطوة دى
واللى يحصل يحصل
وده بيبقى نتيجة لسبب واحد
وهو انه يلاقى والدته طول النهار ماشيه قاعدة نايمة رايحة جاية واكله شاربه

عمالة تعيط وتنهنه وترزعه كلمتين فى العضم من اللى يجيبوا هشاشة عظام

وتقوله" نفسى افرح بيك قبل ما اموت يا ابنى

" نفسى اشوف عيالك بيجروا حواليا واشيلهم على كتفى

وهيا اصلا اساسا ف الاصل محتاجة واحدة تشيل وتحط وتنضف وتطبخ ببلاش






" فى الحالة دى بس بيضطر الابن يتنازل عن حريته


ويضحى علشان الام تعيش

وبينتحر وامره الى الله


ويقول لامه من غير نفس


شوفلنا واحدة تعيش وتستحمل ومتحتجش وتكون قطع غيارها متوفره ف السوق

وابقى اعملى فيها اللى انتى عايزاه

وربنا يقدرنا على فعل الخير




النهاردة بقى اليوم اللى هتروح فيه مع ماما علشان تتخطب

اقصد تخطب

حاول تعتمد على نفسك وتطلع هدومك بنفسك وتوفق الالوان مع بعض


من غير كل شوية ما تنادى على ماما وتعلها اكتر ما هى معلولة منك


وحاول انك تبعد عن لبس البدل والقمصان والكرفتات

والبس الهدوم النيو لوك اللى بنات اليومين دول بتتهوس بيها

يعنى مثلا شورت وفانلة مقطعة

او فانلة عليها رسومات ميكى ماوس وقطط وكلاب

يعنى ده دليل على انك شخصية اليفة


وابعد خااااااالص مالص بالص

عن الشرابات والجزم
الحاجات دى
بقت موضة بريحه بتطلع روايح مش مستحبة

حاول تلبس صندل بتاع الناس اللى بيبيعوا عرقسوس واللااااااااااه اللاااااااه لو كان بينور
منتهى الشياكة

وكده هتبقى راجل شيك بس من غير رصيد
كمان ما ننساش الشعر يضرب فى الخلاط
شوية جلة على حبة صابون غسيل
على كيسين كلور الوان وشوف النتيجة
والقطنه مبتكدبش
هتلاقيه زلبطة ناصعة البياض

ايون الزلبطة اليومين دول موضة الشعر موضة قديمة واللى عنده شعر
يا ياخده موس زيرو
يا يحط شوية جاز على حبة اوكسجين ويولع

خلصنا من الشعر
نلبس حظاظة بقا
ولو معندناش نجيب حتة قماش من بتوع المطبخ
ناخد منها حتة ونربطها على ايدينا تبقى حظاظة (فهمنا يا ولاد)


نحط بقى كولونيا خمس خمسات
وكده نبقى بقينا عال العال

وتخرج تاخد ست الحبايب انججيه


وعلى بيت العروسة عدل





اول ما تلاقى ابو العروسة تسلم

وكلك ثقة واستعمل الفاظ اليومين دول

اللى بتخلى البنات تقول ان الشاب ده ....استايل وابن ناس

يعنى" هالو اونكل" ...."هالو تنت"


"هاو... ار ... يوووووه عليكم وعلى ريحتكم"

كده يعنى وبلاش سلام المعلم طربقها


وشغل الجزراين ده


ساء الخير يا مودام

ساء الخير يا عمى


" دستور يا اهل الدار"

لحسن يتصدموا ويفتكروا انك عليك عفريت ولا حاجة

ادخل برجلك الشمال


لان اليمين بطلت وبقت" اولد فاشون "


الشمال بتاعة الصنادل المنوره ... اما اليمين بتاعة البولغ والشباشب

اول ما تقعد تحاول تقعد قعدة جديدة بلاش ام رجل على رجل


دى لحسن العروسة تقول عليك من ايام عبد الوهاب

والابيض واسود


غير.... احنا بقينا فى عصر ال" L C D" ابو سبعة وتلاتين بوصة

تجنب الوشوشة كل شوية مع الست مامتك

علشان ما يقولوش ابن امه

وبلاش فى كل حاجة يقولها ابو العروسة


تبص لمامتك وتغمزلها


اتكلم انت وخليك جرىء

حتى لو مامتك معجبهاش الكلام

براحتك ...وابقى اترزع فى البيت


عادى دى ماما


المهم يبان ان عندك شخصية ....معملية مستفزة
واول ما تلاقى العروسة خارجة بصينية المشروبات

بلاش تبحلقلها وبص فى

الارض عارفين انك بجح


وعينك يدب فيها 60000 رصاصة

بس معلش تعالى على نفسك


ولم عينك وبحلق فى السقف

واعمل خجول بدل ما العروسة .....تتلخم وتوقع الصينية عليك

وتبوظلك الطقم او يقوم ابوها يلكملك

كمان مش عايزين طفاسة

ولا عايزين طقم الاسنان يبان خالص

يعنى هما شفطتين عصير وبس


ولو كان فيه جاتوه او اى حاجة حلوة

سيب الطبق مكانه واكبح مشاعرك الطفسية والمطبخية دلوقت

وبلاش تمسح الاطباق مسح


علشان ميقولوش عليك مفجوع ومشفتش الحاجات دى فى بيتكم


لازم تبين ان عينك مليانة

اول ما ابو العروسة يبتدى
كلامه ((بنيجى للمهم ))


تعرف علطول انه هيبتدى الامتحان


ولازم تركز وتجاوب بتقدير جيد مع مرتبة الملل




الشبكة..... اول ما تسمع الكلمة دى



يعنى الدبل والمحبس والحنفية اللى هتفضل تنقط وتخر على نفوخك

ومش هتلاقى جلدة تسد بقها بيها

ابعد عن الاجابة بتاعة

انا تحت امركم

لحسن ساعتها هتسمع انواع من المعادن غريبة

وعمرها ما مرت على ودنك

زى الالماظ .......والسولتير

ساعتها

ما توافقش وافتكر زمان ايام الشبكة اللى كانت طقم حلل نحاس وقلل والذى منه وبلاش نفتش ف اللى فات وان الله حليم ستار ومش لازم نتكلم


وقلهم مفيش داعى للمصاريف


الشبكة دى هدية من العريس للعروسة بقيمتها


وطبعا انت عارف قيمتها

عندك اد ايه

وكل واحد وتقديره

نيجى للشقة تسمع ابراج ....فيلل ....شقة بجنينه


اعمل فيها عبيط وطنش


وقلهم عندى شقة بمنافعها..... اوضتين...... وصالة..... وعفشة ميه

يعنى هما هينهبوا


اهو على الاقل انت هتبقى طورت" نظرية" عش العصفورة

العربية..... اول ما يسالوك على العربية


قلهم ناوى ادخل جمعية بنفرين واقبض الاخر

واشترى واحدة بالقسط 27 او سيات


ولو مش عاجبهم

يبقوا يركبوها تاكسى على حسابهم

واتحجج ان البلد بقت زحمة ومفيش اكتر من المواصلات والعربيات الكارو

الفرح هنعمله فين ؟؟


قلهم السطوح عندنا كبير ويساع بدل من الواحد الف

حاسسهم انهم هيعملوا فرح بنتهم فى "الاستاد"

ولو ام العروسة اتحشرت وقالتلك.... بنتى لازم يتعملها فرح

فى دار ....او فندق .....او نادى ولا كانها الاميرة دايانا

قلها بس طلبك عندى


" مركز الشباب اللى جنب بيتكم " وكام لمبة على كام كرسى بقى فرح


ولو اتكلمت قلها ان المنظرة ملهاش داعى

واول ما تلاقى ابو العروسة بيرفع ايده وبيقول سمعونا زغروطة


تعرف انك عريس لقطةوقعتلهم من السماء







وساعتها بص للعروسة واعمل فيها توم كروز



ولو انها يا حسرة عليها بصل كروز


وابقو اعزمونى ف الفرح

هههههههههههههههههههههههههه
تسلم الايادي

هههههههههههههه ميرسى يا جماعه والله بتحرجونى بكلامكوا